1.Strophe
Im Frühling wenn die Sonn kommt raus,
do ziehts mi in mei Gärtle naus,
do muß i säa, hacka, gießa,
damit die ganze Pracht ko sprießa.
Danach hab i an großa Durscht,
und Hunge auf a Roda Wurscht.
Refrain:
Jo do isch schee, jo do ischs schee,
im Eilagreith ischs ganz Johr schee.
2.Strophe
Ond wenn i dann die Arbet gmacht,
bewundre i die schnee Pracht.
Seh Mäusle springa, Biena fliega,
hör Vögel schwitschra, Flugzeug fliega.
Fürd Kinde ischs a Paradies,
die könnet spiela auf der Wies.
Refrain:
Jo do isch schee,…
3.Strophe
Im Sommer wenn die Sonn brennt ronder,
do sitz mer onderd Linde nonder.
Dent schwätza ond a Bierle trinka,
ond nebabei de Fraua winka.
Die drinket Kaffe do beim Häusle,
sie hend verdient au mal a Päusle.
Refrain:
Jo do isch schee,..
4. Strophe
Einmal im Johr isch Gartefescht,
ond wenns der liebe Herrgott lässt,
dann scheint den ganzen Tag die Sonn,
ond man genießt mit großer Wonn.
Es wird getanzt ond au gelacht,
weil ons des Leba Freude macht.
Refrain:
Jo do isch schee, …
5. Strophe
Im Herbscht dann wenn die Nebel wallet,
ond scho die erste Blätter fallet,
pack alles in mein Häusle nei,
die ganze Gartenlitanei.
Die Gartenarbeit hat jetzt Ruh,
drum schließ das Gartentörle zu.
Refrain:
Jo do isch schee,…
6. Strophe
Im Winter wenns dann drauße schneit,
sehn i mi nach Eilagreith,
na hol i schnell mei Schlitta raus,
ond fahr mit meine Kinder naus.
I fütter dann die Vögel glei,
ond bau an Schneemann nebabei.
Refrain:
Jo do isch schee,..
7. Strophe
Doch jedes Lied des hat a End,
au wenn i no so vieles kenn.
Es kam ja nur vom Gärtle vor,
i hoff es klingt ei no im Ohr.
Des letzte Wort pallt i für mi,
des war die Gartensinfonie.
Refrain:
Drum liebe Leut stimme mit uns ein,
im Eilagreith da ischs gut sei.
Ja do ischs schee,…
Komposition: ?
Text und Melodie: Gabi Diez